عارف كويس إنت مين.
إنت اللي شوفتك من سنين
واقف علي شط الأماني تنتظر
...
أخبارك إيه؟
لِسّاك بيملاك الحنين؟
لِسّاك بتستني اللي راجع م السفر؟
لِسّاك بتهرب م البشر؟!
لِسّاك بتنده للّي فات
لِسه السُكات بيونّسك
وبيحبسك في الذكريات؟!
ما تقولي طب آخرتها إيه؟
قلقان عليك.
ولحد إمتي العمر هايضيع من إيديك؟!
وأخدت إيه م الانتظار؟
عدي النهار قدام عنيك ولِسه مستني النهار
طب يرضي مين حالك كده؟
بتقول رضا..
حلو الرضا لو كنت راضي بالنصيب
لكن تغيب والحلم ينده لك وما تُردِش نِدا!
بتقول مأجل بسمتك يمكن تفيد وقت اللقا
ما عرفش ليه حاسس كلامك تريقة؟
سبت السنين متعلقة ع المشنقة
علشان سراب عِشق الغياب وكأن عمرك بعزقة
صحصح بقا.. صحصح وفوق
مستني مين علشان ينورلك طريقك من سنين؟
وإنت اللي لو بصيت لفوق
هتشوف فوقيك الشمس طالعة مشقشقة..!
لـِ أسامه عبد الصبور
إنت اللي شوفتك من سنين
واقف علي شط الأماني تنتظر
...
أخبارك إيه؟
لِسّاك بيملاك الحنين؟
لِسّاك بتستني اللي راجع م السفر؟
لِسّاك بتهرب م البشر؟!
لِسّاك بتنده للّي فات
لِسه السُكات بيونّسك
وبيحبسك في الذكريات؟!
ما تقولي طب آخرتها إيه؟
قلقان عليك.
ولحد إمتي العمر هايضيع من إيديك؟!
وأخدت إيه م الانتظار؟
عدي النهار قدام عنيك ولِسه مستني النهار
طب يرضي مين حالك كده؟
بتقول رضا..
حلو الرضا لو كنت راضي بالنصيب
لكن تغيب والحلم ينده لك وما تُردِش نِدا!
بتقول مأجل بسمتك يمكن تفيد وقت اللقا
ما عرفش ليه حاسس كلامك تريقة؟
سبت السنين متعلقة ع المشنقة
علشان سراب عِشق الغياب وكأن عمرك بعزقة
صحصح بقا.. صحصح وفوق
مستني مين علشان ينورلك طريقك من سنين؟
وإنت اللي لو بصيت لفوق
هتشوف فوقيك الشمس طالعة مشقشقة..!
لـِ أسامه عبد الصبور
