بره الشبابيك

برة الشبابيك غيوم

 برة الشبابيك مطر
مالي خايف كده خايف ؟

وحاسس بالخطر
ده حزن ولا وتر؟
ده قلب ولا حجر؟
ده دمع ولا مطر؟
مالي خايف كده وحاسس بالخطر؟

آخر مره اما سبتك
كتمت الشكوى ليه؟
مش كان احسن حاسبتك؟
وعرفت القصة ايه؟
لكن محسبتكيش..!
وقلتلك لية مافيش..!
كأنك يا حبيبتي امرك مايهمنيش..!
انا خايف من ده فيا
من الشكوى المدارية
بالذات في الليلة ديّه
تحت الغيم والمطر
مالي خايف وحاسس بالخطر؟؟