لسه ماجاش الأوان

الأحلام المطوية ..

لسّه أوانها ما جاش ..

صدّقنى لسّه شوية ..
...
و إن حسيتها بتتأخر ..

حاول تفهم و تقدّر ....

و اتطمن و ما تقلقش ..

إرضى ... ما تستعجلهاش

كل الأحلام جايالك ..

ربنا عنده المواعيد ...

ف الغيب و محوّشهالك ...

علشان هاتاخدها أكيد ...

لكن أحلى من الأول ...

أكبر من كل خيالك ...

لسه الأحلام جايالك ...

إرضى ما تستعجلهاش ..

دايماً تدعى من قلبك ..

ربنا سامع دعواتك ..

لكن كل الحدوتة ..

إن الحلم اللى ف قلبك ..

دلوقتى أوانه ما جاش ....

تبقى انت زى الشاطر ..

كل اللى عليك الدعوة ...

من قلبك ... و ماتيأسش

ترضى و تصبر و تقول :

يارب فهمت انا .. حاضر

 

لــ مروة جمال الدين

♥ ♥