الميكروباص

مستحيل غير عندناعلى ارضنا

تلقا الي بتدور عليه
تلاقي كتف في مكروباص

تنام وبتريح عليه
مكروباص بالخلق داير

من غير بيبان
من غير ستاير

واجرته كسر الجنيه
وحواره يا امي اركبي

وعلى جنب يا اسطى ونبي
وابعت ورا وحاسب يا بيه

في كلام سياسة وفلسفة
وبرد ودفا

وخناقه على فكة جنيه
مديون وشايل مديونين

شايل حمول التعبانين
وقسطه لو حيكون سنين

قادر يطول حلمه باديه
ولا تلاقي فين ولد

شبه البلد
راسم بصبره بسمته

والطيبه طله من عنيه
وصحبي يحلف انا اللي هدفع
ادفع انت لما نرجع

بحلم طفل يعيش ويشبع
في الشده راجل حتلاقيه

مكروباصنا زحمة جايز
بس لسه قلبه عايز

ياخد الاحباب فحضنه
بس نصبر كام محطه
وكلنا حنعدي بيه

لــ سامح خيري